القصیده غایب-الشاعر-حمزه السماوی -فاطمیه-لیله 26 ربیع الثانی 1439 - لندن-ملاباسم

القصیده: غایب
✒️الشاعر: حمزه السماوی
????لیله 26 ربیع الثانی 1439 - لندن
???? طور : #واهم #باجر
فاطمیه 1396 هجری شمسی-ملاباسم

غایب..عن السمع صوت الخِدر زهرایی
غایب..جرحی حُسینی وعُمری عاشورایی
کل عفه الله ابراسی المهدی ظَهر بانفاسی
جرحی حُسینی وعُمری عاشورایی
---
ما ماتت امی فاطمه عاشت ابین عیونی
منها ورثت انی خدر ماکو خدر من دونی
نظراتی ترتیله وحی عرش الله بین جفونی
انی الی ربیت الخدر و ام الخدر سمونی
غیبه..کسر الضلع تبدی و تعیش الحاضر
غیبه..تخلص حسب توقیت یوم العاشر
هناک یصیر احساسی المهدی ظَهر بانفاسی
جرحی حُسینی وعُمری عاشورایی
---
ابموتتها امی شیبت خذ عمر من عدها
روحه علی روح النبی والدی هم والدها
صوت الکسر ما ینسمع لا صوت سطره خدها
اصوات تبقه محجبه رب العرش رایدها
غیره..حتی ابدفنها القمر غادر لیله
غیره..لیل اهدعش ذاک الوکت احجیله
ابهودجنه صوت اجراسی المهدی ظَهر بانفاسی
جرحی حُسینی وعُمری عاشورایی
---
نفس الزکیه ابکربله یعنی الحسین الضامی
السفیانی یوصل کعبتی و الکعبه عندی اخیامی
تکمل علامات الیسر و ابکربلاء ایامی
لو وصل اخیامنه اندعی عجل ظهور ایتامی
خیمه..توقع مثل وقعت الباب اضروحی
خیمه..اهتزت وتتساقط جمر بجروحی
ینذبح صفوه ناسی المهدی ظَهر بانفاسی
جرحی حُسینی وعُمری عاشورایی
---
اثلثمیه و ثلاثه و عشر للمهدی ادری انصاره
ثمانین طفله لو طفل بیهم اظل محتاره
تربیت ابو الحمله علی و الکرم عندی اخباره
متنی یدق بابه و یجی سوط الخدر خطاره
زینب..انه استر اللیل بعباتی و ثوبی
زینب..لا اذن من یقرب صوبی
بس لو رحل عباسی المهدی ظَهر بانفاسی
جرحی حُسینی وعُمری عاشورایی
---
التل منصه خطبتی راح اصعد انه علیها
سبعین الف تسکت اذا زینب یمر طاریها
تطلع شمس من الغرب های العلامه شبیها
تطلع رقیه امن الخیم تسحق جمر رجلیها
صیحه..ابهای العلامه اعلم و ترویلی
صیحه..صیحه سکینه امن الضرب لحقیلی
عنه الوعد ما ناسی المهدی ظَهر بانفاسی
جرحی حُسینی وعُمری عاشورایی
---
ما میزونی ابکل شکل شقد حاولوا و هوایه
کل الحرم نفس الوجه و باسمی متسمایه
راح اصرخ اباذن الدهر یصحه الدهر بحجایه
والله لا تمحوا الذکر تبجی زلمهم های
حیره..معقوله هم انتی مره یسالونی
حیره..ذلیتهم و ما قدروا یذلونی
غیره علی ابنوماسی المهدی ظَهر بانفاسی
جرحی حُسینی وعُمری عاشورایی
---
مملکه عفه اعله الهزل ساس الامیره بفکری
نحر الحسین اعله الرمح یتعب ابدله بنحری
من اختنق اشتم علی مثل النسیم بصدری
حقها تفاخر بالحشر فاطمه ابهیبه صدری
واجب..عندی قضیه و هالقضیه اببالی
واجب..ستر النسه غالی و یعیش الغالی
حجاب الضوه مقیاسی المهدی ظَهر بانفاسی
جرحی حُسینی وعُمری عاشورایی
---
القران نقطه ابکلمتی باب الله اصبح بابی
بجدامی یتحول ذهب لمن اسحقه ترابی
فبعد ان ملیت ظلما بقتل احبابی
راح املی هالعالم خدر و السمه تصیر حجابی
عالی..هام الخدر ما دام ارفع هامی
عالی..و بعلم عباس ارفعتها اعلامی
بعد الزمن القاسی المهدی ظَهر بانفاسی
جرحی حُسینی وعُمری عاشورایی
---